Kargo Şirkətləri

Karqo, yerli və beynəlxalq səviyyədə mal və ya məhsulların daşınmasını təmin edən xidmət növüdür. Karqo şirkətləri malların alınması, qablaşdırılması, gömrük rəsmiləşdirilməsi və son təyinat yerinə çatdırılması kimi prosesləri həyata keçirirlər. Bu xidmət vasitəsilə fiziki şəxslər və şirkətlər müxtəlif ölkələrdən məhsul sifariş edə, bağlamalarını təhlükəsiz və sürətli şəkildə əldə edə bilərlər.

Bağlamanız xarici anbarda qeydiyyata alındıqdan sonra sizə Smart Customs sistemi vasitəsilə bəyan etmək üçün bildiriş göndərilir. Bildirişi aldıqdan sonra bağlamanız Smart Customs sistemində görünür və siz müvafiq məlumatları daxil edərək onu bəyan edə bilərsiniz. Bəyan etdikdən sonra təxminən 15 dəqiqə ərzində bəyannaməniz sistemdə əks olunacaq. Bağlama yalnız bir dəfə bəyan edilə bilər, təkrar bəyan etməyə ehtiyac yoxdur.

 Bağlamanız xarici anbara çatdıqda, faktura olub-olmaması yoxlanılır. Əgər faktura yoxdur, müştəriyə məhsulun dəyərini və sifarişin icmalını göstərən bildiriş göndərilir. Bu sənədlər əlavə edildikdən sonra, müvafiq Tracking nömrəsi ilə birlikdə Smart Customs mobil tətbiqində və ya e.customs.gov.az saytında bəyan ed

Fərqli kargo şirkətlərdə bu müddət dəyişə bilər. Ümumi olaraq yerli anbarda bağlamalar 15 gün ərzində ödənişsiz saxlanılır. Bu müddət ərzində təhvil alınmayan bağlamalara görə hər gün üçün əlavə 0.25 AZN (25 qəpik) saxlama haqqı hesablanır.

Bəli, bağlamanızı başqa bir şəxs təhvil ala bilər. Bunun üçün həmin şəxs sizin şəxsiyyət vəsiqənizin əsli və ya şəklini, həmçinin müştəri kodunuzu təqdim etməlidir.

Bir təqvim ayı ərzində Azərbaycana gətirilən və şəxsi istifadə üçün nəzərdə tutulan malların gömrük dəyəri 300 ABŞ dollarını keçmədikdə, gömrük rüsumu tətbiq edilmir. Bu limitə bağlamanın daşınma haqqı da daxildir. 300$ limitini keçdikdə, artıq olan məbləğin 36%-dək gömrük rüsumu ödənilməlidir. Limit hər ayın 1-də yenilənir və bağlamanın xarici anbardan göndərildiyi tarix nəzərə alınır.

Bağlamalar aşağıdakı hallarda gömrükdə saxlanıla bilər:

1. 300$ limitini keçdikdə;
2. Kommersiya məqsədi üçün istifadə edildikdə;
3. Məhsulun dəyərinin azaldılması şübhəsi yarandıqda;
4. Məhsulun idxalı üçün xüsusi icazə və ya sertifikat tələb olunduqda;
5. Ölkəyə idxalı qadağan olunan məhsullar olduqda;
6. Digər qanunvericiliklə nəzərdə tutulmuş hallarda.

Bağlamanız xarici anbara çatdırıldıqda sizə bu barədə bildiriş göndərilir. Bildirişi aldıqdan sonra Smart Customs mobil tətbiqi vasitəsilə bağlamanızı bəyan etməlisiniz. Sürətli gömrük yoxlanışı üçün bağlamaya faktura əlavə etməyiniz xahiş olunur.

Karqo şirkətləri əsasən Türkiyə, Amerika, Avropa ölkələri, Almaniya, İngiltərə, İspaniya, Çin və Rusiya kimi populyar istiqamətlərdən Azərbaycana çatdırılma təklif edir.

Amerikadan Azərbaycana karqo çatdırılması, karqo şirkətindən asılı olaraq, 7-14 iş günü ərzində baş tutur. Bu müddət gömrük rəsmiləşdirilməsi və daşınma şərtlərinə bağlıdır.

Avropadan Azərbaycana daha çox lüks brendlərin geyimləri, kosmetika, elektronika və məişət texnikası məhsulları sifariş olunur.

Çindən və Rusiyadan Azərbaycana karqo çatdırılması orta hesabla 10-15 iş günü çəkir. Bu müddət karqo şirkətinin iş sürətindən və sifarişin həcmi ilə bağlı dəyişikliklərdən asılıdır.

Azərbaycanda ən ucuz karqo şirkətini seçərkən qiymətləri müqayisə etmək, çatdırılma müddətinə və xidmət keyfiyyətinə diqqət yetirmək vacibdir. Trendyol, Amerikadan və Avropadan gələn sifarişlər üçün müxtəlif ucuz karqo şirkətləri münasib tariflər təklif edir.